Om kunstverket
Kunstnaren har laga teppet i form av ei fane til støtte for opposisjonsleiaren Lech Walesa og røyrsla «Solidaritet» i Polen. (Sjå Store norske leksikon: https://snl.no/Lech_Walesa).
Teppet er i fleire materiale. Mellom anna er det sydd inn originale armband, lik dei aktivistane brukte for å vise si støtte til opprøret. Verket viser menneske i protestmarsj under heva faner, plasserte over eit større, mørkt felt der ein kan sjå at noko har starta å spire.
Kunstnaren Bjørg Marit Bjørnevik (f. 1945) er busett i Time. Ho er utdanna ved tekstillinja ved Bergen Kunsthandverksskule og har utført ei rekkje utsmykkingar, mellom anna i Gausel kyrkje og Bryne Kunst i skulen (1979). I 1990 mottok ho statleg garantiløn for kunstnarar.
