Om kunstverket
Trykket til Stanley Stornes viser eit flatt landskap med steinmurar, hus og hav i det fjerne. Motivet er truleg frå Jæren. Uttrykket er typisk for den eldre produksjonen til kunstnaren. Dei seinare bileta er meir abstraherte, ofte i ein klarare palett med blått som føretrukne farge.
Stanley Stornes (f. 1939 - ) er ein grafisk biletkunstnar, basert i Sandnes. Han starta kunstutdanninga si ved Stavanger Reklameskole og gjekk sidan på Statens håndverks- og kunstindustriskole og Statens kunstakademi. Stornes debuterte i Kunstnerforbundet, Oslo, 1967, og har sidan hatt mange separat og kollektivutstillingar.
