Om kunstverket
Motivet i dette trykket er eit våningshus og ein driftsbygning, plassert i ein bratt skråning. Det er ein typisk norsk fjellgard, ein ser dei opparbeidde jordene i forgrunnen og høge fjell bak. Biletet er ikkje datert.
Dag Hol (1951, Hamburg) er ein norsk, figurativ malar og grafikar, kjend for landskapsmotive frå ulike område i Noreg. Han er utdanna ved Statens kunstakademi frå 1980 til 1984 og har vært elev av Gunnar Dietrichson og Odd Nerdrum. Før han begynte på Statens Kunstakademi, studerte han nordisk, fransk og tysk språk og litteratur ved Universitetet i Oslo. Han debuterte som kunstnar med separatutstilling i 1983. Hols arbeid er påverka av eldre malarkunst, frå renessansen til romantikken.
