Om kunstverket
Herbert Thomas maleri er typisk for denne kunstnaren, både i fargeval og motiv. Det viser to abstraherte figurar som står under noko som kan sjå ut som ein bogegang med søyler. Blome- eller planteranker heng ned over figurane. Maleriet er ikkje datert og har ikkje tittel.
Thoma er født 13. november 1944 i Klosterneuburg, Wien i Østerrike. Han er utdanna ved Høhere Lehr und Versuchsanstalt für Textilindustrie i Wien 1960 -1964 og Hochschule für Angewandte Kunst. Thoma har vært busett i Norge siden 1971 og har hatt en rekkje utstillingar i Noreg og Europa. I tillegg har han hatt fleire utsmykningsoppdrag. Arbeida hans er innkjøpt av ei rekkje offentlege gallerier og institusjonar.
