Om kunstverket
Terry Nilssen-Love er kjend for fargesterke, kraftige uttrykk, både som malar og grafikar. Kunstnaren er inspirert av jazzens umiddelbare, impulsive form, og også amerikansk ekspresjonisme. I dette vesle maleriet ser vi julestjerna skinne klart på ein ultramarinblå himmel, over den grønn-blå og rød-orange Betlehems-marka. Biletet er ei gåve frå Stavanger Aftenblad.
Terry Nilssen-Love (født i 1942 i Wallingford, England;) flytta til Stavanger i 1974. Han har utdanninga si frå Slade School of Fine Art, Goldsmiths College School of Art og Reigate School of Art, har hatt ei rekkje separatutstillingar og er innkjøpt til ulike private og offentlege samlingar.
